
那洛巴大师教言集NARO23སྦྱིན་སྲེག་གི་ཡིག་ཆུང་།
1-4-16a

༄༅། །སྦྱིན་སྲེག་གི་ཡིག་ཆུང་།
༄༅། །སྦྱིན་སྲེག་གི་ཡིག་ཆུང་བཞུགས་སོ། །དཔལ་རྡོ་རྗེ་མཁའ་འགྲོ་མ་རྣམས་
1-4-16b

ལ་ཕྱག་འཚལ་ལོ། །དུས་སྦྱོར་འཐུན་སྤྱོད་བརྩི་བ་དང་། །འཐུན་བསྡེབས་ལྟེ་ནས་སྦྱོར་བ་ལ། །དམངས་ནི་འཕྲིན་ལས་འཐུན་སྦྱོར་གྱི། །མན་ངག་ཞེས་(ཅེས་)བྱ་འདི་ནས་སྟོན། །དེ་ལ་དུས་སྦྱོར་འཐུན་སྤྱོད་
ནི། །ཟླ་བ་ཉ་དང་སྐར་མ་རྒྱལ། །གཟའ་དང་རྒྱུ་སྐར་སྦྱོར་ཤེས་བྱ། །དྲག་པོའི་ལས་ལ་མར་ངོ་དང་། །གཟའ་དང་རྒྱུ་སྐར་ངན་པར་འདོད། །ཞི་བའི་ལ་སོགས་ཐོ་རངས་བྱ། །རྒྱས་པ་སྔ་བྲོ་བྱ་བར་
གསུངས། །དབང་ནི་ཉི་མ་བསྒྱུར་བ་ཡིན། །དྲག་པོ་སྲོད་ལ་བྱ་བར་གསུངས། །ཞི་བའི་དུས་ལ་ངེས་པ་མེད། །རྒྱས་པའི་དུས་ནི་ར་བ་གཙོ། །སྟོན་ལ་འབྲིང་པོས་རྒྱལ་བས་མངགས། །ལོ་ཐོག་ཤིང་
ཐོག་སྨིན་པ་དང་། །སྟོན་ཐོག་ནང་དུ་བསྡུས་དེར། །ས་སེར་ཐབ་ཁུང་ལས་བྱས་ཏེ། །རྒྱ་ཤུག་ཙན་ལྡན་(དན་)ལ་སོགས་པ། །ཁ་དོག་སེར་པོའི་མེ་སྤར་རོ། །དུས་ཚོད་ས་དང་སྲེག་རྫས་སོགས། །གཞུང་
གཞན་དུ་ཡང་ཡོང་ཤེས་བྱ། །འཐུན་སྡེབས་ལྟོ་ནང་སྦྱོར་བ་ནི། །དཀྱིལ་འཁོར་དབུས་ཀྱི་གཙོ་བོ་ཡིས། །ཧེ་རུ་ཀ་དཔལ་རྒྱལ་ཆེན་པོས། །ཕག་མོ་དང་ནི་སྦྱོར་ཤེས་བྱ། །ཡིག་བདུན་ཕག་
མོའི་ཉེ་སྙིང་ལ། །རྟག་ཏུ་བསྙེན་པ་བྱ་བར་གསུངས། །དེ་ནས་ལས་རྫོགས་བསྒྲུབ་པ་ནི། །ཞི་བའི་ལས་ལ་མཁའ་འགྲོ་མ། །རྒྱས་པ་རུ་པི་ནི་ཡིན་ཏེ། །ཁན་དྷོ་ར་ཧིས་དབང་དུ་བསྡུད། །དྲག་པོའི་
1-4-17a

ལས་ལ་ལ་མ་བསྔགས། །རིགས་ཀྱི་ཡུམ་བཞི་དཔའ་བོ་དང་། །ཕྲིན་ལས་གང་བྱེད་ཞལ་སྦྱོར་ཞིང་། །སྔགས་ཀྱང་ལྟོ་ནང་སྦྱོར་བའོ། །དུས་བཞིའི་མཆོད་པ་མ་ཆག་
ཅིང་། །ལག་པའི་མཆོད་པས་རྟག་ཏུ་མཆོད། །དེ་ནས་སྦྱིན་སྲེག་བྱ་བར་གསུངས། །སྤོས་སོགས་ཕྱིའི་མཆོད་པ་དང་། །བདུད་རྩི་གཏོར་མ་ལ་སོགས་བཤམས། །ཡམ་ཤིང་ཀུ་ཤ་དུར་བ་དང་། །
མར་དང་བཅས་པའི་སྲེག་རྫས་རྣམས། །རྡོ་རྗེ་དྲིལ་བུ་དགང་བླུགས་ཀྱིས། །གཟར་བུ་དང་བཅས་མདུན་དུ་བཤམ། །བདག་ཉིད་སྐད་ཅིག་ལྷར་བསྐྱེད་ལ། །བསྲུང་པ་གསུམ་བྱ་གོ་བསྒོས་ཏེ། །
ཡེ་ཤེས་སེམས་དཔའ་སྤྱན་དྲངས་ཏེ། །ཛཿཧཱུཾ་བཾ་ཧོཿརང་ལ་གཞུག །ཨོཾ་ས་བྷ་བ་ལ་སོགས་འགྲེ། །ཅེས་(ཞེས་)པའི་སྔགས་ཀྱིས་ཐབ་གསངས་ལ། །གཞལ་ཡས་ཁང་ནི་གདན་དང་བཅས། །རཾ་
ལས་མེ་ལྷ་སྐུ་མདོག་དཀར། །ཞལ་གཅིག་ཕྱག་ནི་བཞི་པ་བསྒོམ། །ཨོཾ་ཨ་ག་ནེ་ཡེ་དེ་མཏ་སརྦ་པ་པཾ་ཤན་ཏིཾ་ཀུ་རུ་ཡེ་སྭཱཧཱ། ཅེས་(ཞེས་)པའི་སྔགས་ཀྱིས་ཡཾ་ཤིང་དང་། །མར་ལ་སོགས་པ་བསྲེག་
རྫས་རྣམས། །ཐེབས་ནི་བདུན་བདུན་དབུལ་བར་བྱ། །ཚངས་པ་མེ་ལྷ་བསྟོད་བྱ་སྟེ། །དེ་ནས་དེའི་ཐུགས་ཁ་རུ། །ཡི་དམ་ལྷ་ཚོགས་བསམ་བྱ་སྟེ། །ཕྱོགས་བཅུའི་དཔའ་བོ་རྣལ་འབྱོར་མ། །ཐམས་
1-4-17b

ཅད་སྤྱན་དྲངས་དེ་ལ་བསྟིམ། །དེའི་ཕྱིར་ཐུགས་ཀར་བླ་མ་ནི། །གསལ་བར་དམིགས་ལ་མཆོད་པར་དབུལ། །ཕྱག་བཙལ་ཕྱི་ནང་གསང་གསུམ་གྱི། །མཆོད་པ་མ་ལུས་རྫོགས་པར་དབུལ། །
སྐབས་འདིར་ལག་མཆོད་བྱ་བར་གསུངས། དལ་དང་མཎྜལ་གང་ཡིན་གྱིས། །ལྷ་དེ་ལག་པའི་ལྷས་བསྐུལ་ནས། །ལག་པའི་ལྷ་དང་གཉིས་མེད་བསམ། །མཎྜལ་ལག་སྟེངས་མེ་ཐབ་ཏུ། །
དཔའ་བོ་དྲུག་དང་དཔའ་མོ་དྲུག །དེ་ལས་གཞན་པར་མི་འདོད་དོ། །དེ་ནས་ལག་པའི་ལྷ་བསྡུས་ཏེ། །མེའི་ལྷ་དང་གཉིས་མེད་བསམ། །ཡི་གེ་བརྒྱ་པས་བརྟན་པར་བྱ། །དེ་རྗེས་ཡམ་ཤིང་ལ་
སོགས་དབུལ། །ཡི་དམ་ལྷ་ཡིས་རྩ་སྔགས་ལ། །རིགས་ཀྱི་ཡུམ་བཞིའི་ཉེ་སྙིང་རྣམས། །མཁས་པས་འདིར་ཀྱང་སྦྱོར་ཤེས་བྱ། །སརྦ་པ་པཾ་ཤན་ཏིང་ཀུ་རུ་ཡེ་སྭཱཧཱ། ཅེས་(ཞེས་)པས་ལན་བདུན་
དབུལ་བ་དང་། །ཕྱི་གདོན་གྱི་བར་ཆད་དུ་འགྱུར་བའི་བགེགས་རིགས་སྟོང་ཕྲག་བརྒྱད་ཅུའི་གནོད་པ་ཐམས་ཅད་ཤན་ཏིང་ཀུ་རུ་ཡེ་སྭཱཧཱ། ནང་འབྱུང་བའི་བར་ཆད་དུ་གྱུར་པའི་ནད་བཞི་བརྒྱ་རྩ་
བཞིའི་གནོད་པ་ཐམས་ཅད་ཤནྟིང་ཀུ་རུ་ཡེ་སྭཱཧཱ། ཏིང་ངེ་འཛིན་སེམས་ཀྱི་བར་ཆད་དུ་གྱུར་པ་ཉོན་མོངས་པ་བརྒྱད་ཁྲི་བཞི་སྟོང་གི་གནོད་པ་ཐམས་ཅད་ཤན་ཏིང་ཀུ་རུ་ཡེ་སྭཱཧཱ། འཕྲལ་གྱི་
1-4-18a

རྐྱེན་དུ་གྱུར་པ་རྨི་ལམ་ངན་མ་དང་། མཚན་མ་དང་། ལྟས་ངན་པ་དང་། ལོ་སྐེག་དང་། ཟླ་སྐེག་དང་། དུས་མིན་པར་འཆི་བ་དང་། གཞན་གྱི་བསམ་པ་ངན་པ་ལ་
སོགས་ཏེ་མི་མཐུན་པའི་ཕྱོགས་ཐམས་ཅད་ཞི་བ་ཤན་ཏིང་ཀུ་རུ་ཡེ་སྭཱཧཱ། ཅེས་(ཞེས་)བརྗོད་ལ་སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་བཤགས་སོ། །འདོད་པའི་
དོན་ལ་གསོལ་བ་གདབ་པོ། །དེ་ནས་བཛྲ་མུ་ཞེས་པས་ཡེ་ཤེས་མེ་ལྷ་ཤར་ལྷོར་གཤེགས། དམ་ཚིག་སེམས་དཔའ་མེར་གྱུར་པའི་ནང་དུ་འགྲོ་བ་རིགས་དྲུག་བསམས་ལ། ཨོཾ་ཨག་ནེ་ཡེ་
ལ་སོགས་པས་རྫས་ལྷག་མ་རྣམས་བསྲེག་གོ། །ཡང་ཐུན་སྡེབས་ལྟོ་ནང་སྦྱོར་བ་ལ། རིགས་གསུམ་མགོན་པོ་གང་མོས་ལ་བྱ། ཏིལ་དང་སྦྲང་རྩི་དང་། བ་དམར་མོའི་འོ་མ་དང་། ར་དཀར་མོའི་འོ་མ་དང་། བུད་མེད་
ཁྱེའུ་འཐུང་པའི་ནུ་ཞོ་དང་། སྤན་རྒྱན་གྱི་ཁུ་བ་དང་། གུ་གུའི་རྣམས་སྦྱར་ལ། མེ་ལོང་གིས་ཁ་བཅད། དེ་ལག་པར་བླངས་ཏེ། མ་ཆགས་བར་དུ་བཟླས། ཨོཾ་ན་མ་སརྦ་ཀྲུང་ཀྲུང་མ་ཏྲི་དེ་བ་
ལ་ཏྲི་རྒྱུ་རྒྱུ་ལུང་ལུང་ཧུ་ཏི་གར་པ་ཨ་ཙཀྲ་སྭཱཧཱ། མ་ར་ཧ་རི་ཕྲ་མ་ཐ་ཐེཾ་ཐེཾ་ཐ་དྷ་ཙུས་དྷ་སྭཱཧཱ། ཉ་སྟོང་དུས་བཞིར་ཞུགས་ལ་མེ་ཏོག་ཚོམ་བུ་གསུམ་དུ་དགྲམ། རིན་པོ་ཆེའི་སྣོད་དུ་རིགས་གསུམ་
1-4-18b

མགོན་གྱི་གཏོར་མ་བཤམས། ནང་ནུབ་དུས་གསུམ་དུ་མཆོད་པ་བྱ། ཞག་བདུན་ལ་མིག་ལ་བྱུགས་པའི་སྔགས་ནི། ཙཀྵུ་མན་ཏྲ་པྲ་བེ་ཤ་ཡ་ཕཊ། གྲུབ་ན་སྲིད་པ་གསུམ་ཡང་མཐོང་ངོ་། །མ་གྲུབ་
ན་ལན་འགའ་བསྐྱར་རོ། །ཨྠིྀ། ས་མ་ཡའོ། །ཁ་ཐམ་གྱུ་རྒྱ། རྒྱ་རྒྱའོ།། །།


目录
སྦྱིན་སྲེག་གི་ཡིག་ཆུང་།